Friðarsúlan í Viðey

Ég verð að segja það að mér finnst þetta mjög flott hjá Yoko Ono að byggja þessa friðarsúlu í minningu John Lennon. Hann var alveg ótrúlegur maður sem öðlaðist það sem er talið einna eftirsóknarverðast í heimi hér af mörgum, fé og frama en missti þrátt fyrir það aldrei sjónar á því sem skipti máli. Hann talaði fyrir friði og lagði sig virkilega fram fyrir þann málsstað. Eins og þeir sem þekkja mig vita þá er ég afar stolt af því að eiga sama afmælisdag og John Lennon. Ég held að það séu ekki margir sem ég virði meira en hann.

Ég kíkti á heimasíðuna www.imaginepeace.com og þar koma fram skilaboð frá Yoko Ono sem ég er svo algjörlega sammála.

I hope the IMAGINE PEACE TOWER will give light to the strong wishes of World Peace from all corners of the planet and give encouragement, inspiration and a sense of solidarity in a world now filled with fear and confusion.
Let us come together to realize a peaceful world.

Yoko Ono

Athugasemdir

[hlk (IP-tala skráð) 10.10.2007 kl. 16:58]

Heyrðu varst þú ekki helsti talsmaður ungliðahreyfingar NATO á Íslandi fyrir nokkrum árum og spásserandi um allan heim að kynna þér málstaðinn? Ef það hefur farið framhjá þér þá hefur NATO einmitt tekið þátt í þremur blóðugum árásarstríðum á síðustu 10 árum. Serbía, Afganistan og Írak.

Batnandi mönnum er hinsvegar best að lifa og því ánægjulegt að þú hafir snúið baki við málstað blóðsúthellinga og sért farin að sjá fyrir þér frið í anda meistara Lennons ;-)

kv. hlk

[kolbrún Ólafsdóttir (IP-tala skráð) 11.10.2007 kl. 05:07]

Humm....þú gleymir að minnast á það að ég var einnig á þessum tíma í forsvari fyrir utanríkismál annarrar ungliðahreyfingar sem studdi framboð Íslands í öryggisráð Sameinuðu þjóðanna og ein aðalrökin fyrir því voru að Ísland gæti sýnt fram á fordæmi þess að leysa deilumál með friðsömum hætti. En eins og þú veist að eigin raun þá getur maður verið í forsvari fyrir ungliðahreyfingu þótt maður sé ekki algjörlega sammála stefnu móðursamtakanna. Að taka slíkt verkefni að sér er til að hafa áhrif en ekki til að básúna út fyrirfram gefna stefnu, ekki satt ;-)??

Kolla

[mooney (IP-tala skráð) 11.10.2007 kl. 23:17]

jeminn hvað þið eruð leiðinleg bæði tvö, nato..ungliðahreyfing...afganistan..úff.   Sakna ykkar samt á ölstofunni.....