Erum við Íslendingar öll eins?

Ég er búin að vera að velta þessu fyrir mér undanfarna daga, hversu lík hvort öðru erum við Íslendingar eiginlega? Ástæðan fyrir þessum pælingum mínum er sú að þegar ég og Karla vinkona mín frá Mexíkó vorum að skrá okkur á kínverskunámskeiðið í Beijing Language and Cultural University, BLCU, þá hitti ég íslenskan strák þegar ég var á gangi ásamt nýjum kínverskum vini mínum á Campusinum að leita að ljósritunarstofu. Þessi íslenski strákur er eini Íslendingurinn sem ég veit um sem er í þessum háskóla og fannst mér því frekar fyndið að rekast á hann, þess skal getið að hann býr í sama stigagangi og ég en við rekumst ekkert oft á hvort annað. Nú jæja meðan ég rölti um Campusinn til að ljósrita vegabréfið mitt beið Karla á meðan á skráningarskrifstofunni. Eftir að við vorum búnar að skrá okkur sagði ég Körlu frá því að ég hefði hitt þennan íslenska strák og hún svaraði já ég held að hann hafi komið inn á skráningarskrifstofuna. Nú sagði ég hvernig veistu, þú hefur ekki hitt hann er það? Nei svaraði Karla, var hann ekki í brúnni peysu, hummm ég bara tók ekki eftir því. En af hverju helduru að þetta hafi verið akkúrat hann, það er svo mikið af fólki hérna. Æ svaraði Karla hann var bara eins og þú. Ha, sagði ég, hvað meinaru? Hann er með eins augu og þú og eins hár, æi bara eh veginn alveg eins og þú.......Kannski er þetta bara einangrað tilvik og við erum kannski bara svona lík ég og þessi strákur þótt að ég hafi ekki tekið eftir því eða þá að við Íslendingar erum svona lík að þegar útlendingar þekkja einn Íslending geta þeir spottað restina.........

Athugasemdir

[Þorsteinn Valur Baldvinsson, 22.2.2008 kl. 13:06]

Erum ansi einsleit þjóð og flest skyld hvort öðru, held líka að hegðun og atferli komi upp um okkur oftast nær.

Íslendingar eru líka einstaklega næmir á að hópa sig saman erlendis, svona eins og býflugur í búi, sem villast ekki inn í önnur býflugnabú

Hef lent í þessu sjálfur, skrítin tilfinning að finna fyrir nærveru annarrar sálu.